Nuummut mattak 2,1 tons
Inuiattut Ullorsionermut atatillugu arfiviup mattaa neqaalu userneqarsinnaapput.
Sapaatiuppat Inuiattut Ullorsiornermut aamma naminiilernermut atatillugu arfiviup mattaa aamma neqaa usserneqarsinnaavoq, tamanna Piniarnermut Aalisarnermullu Naalakkersuisoqarfimmit tunissutaavoq.
Namminersornerullutik Oqartussat innuttaasut Arfiviup mattaanik neqaanillu inuit tamaasa juunip 21-ani tunivai. Arfeq Ilulissani pisarineqarpoq Qeqertarsuarnilu pilanneqarluni, upernaarlu manna piniartunit pisarineqarpoq.
Nuummi innuttaasut mattammik 2,1 tonsinik aamma neqimik 2,3 tonsimik pissaqassapput.
- Neqaata ilaanik igasoqartariaqarpoq kalaaliminiliullaqqissunillu peqarpugut, Sermersuup Kommuniani kultureqarnermut aamma peqatigiiffinnut siunnersorti Sivert Lynge oqarpoq. Aammattaarlu oqarpoq SANA aamma utoqqaat angerlarsimaffii mamartunik ilangiisinneqarumaartut.