Royal Greenlandip isigineqarnera ajorpoq
Suliffeqarfinni pisortat suliffeqarfiit 140-t isigineqarnerat nalilersorsimavaat. Suli Royal Greenland naqqani erfarusaarpoq.
Berlingske Tidendep Nyhedmagasiniata ukiumoortumik suliffeqarfiit isigineqarnerannik nalilersuisitsinerani Royal Greenland inissisimaffimminit sisamanit qaffariarsimagaluarpit - inissisimaffik 125-miit 121-mut.
Nalilersuinermi tunngaviupput suliffeqarfinni pisortat 3.600-t suliffeqarfiit 140 isigineqarnerannik nalilersuinerat.
Misissuinermi takuneqarsinnaavoq immami uumasunik tunisassiortoq namminersornerusunik pigineqartoq pitsaasunik tunisassiaqartarnermigut ilisarisimaneqartoq, kisianni tamatuma akerlianik aningaasanik isaatitsisinnaanermigut suliffeqarfiup nalilerneqarnerani pitsaavallaanngilaq.
Inuussutissanik tunisassiornermik ingerlatsisut ataatsimut isigalugit Royal Greenlandip isigineqarnera ajornerpaajulluni kingullerpaatut inissisimavoq. Kiisalu suliffeqarfiup nyhedsmagasinimi nalilerneqarnera tassaavoq "kalaallit raajanik tunisassiortuat suli suli assut assuarnartuusoq".
Misissuinermik ingerlatsisut tassaapput Institut for Opinionsanalyse.