Soraarummiilinnginnermi pilukanneq
Narsap Atuarfiani ullumi atuaqatigiinnut soraarummiilinnginnermi naggataamik atuarfiuvoq.
Annonse
Ileqquusutut unnuaanerani atuartut ilinniartitsisutik itertinniarlugit illoqarfimmi nipilioqalutik angalaarput.
Atuarfimmi pisarnertut serpartaasoqarpoq, ukioq manna aamma meeqqat minnerit serpartarneqarlutingaasiit. Kingornatigut assigiinngitsunik ilinniartitsisut unammisinneqarput. Soorlu Ahmed Akkari aamma Mathias Mølgaard unammipput issingiassat immulikkat puuguttamiittut kiap nungoqqaassanerai unammissutigalugu.
Naggataatigut kommunip allaffiata eqqaani allunaasamik atuartut ilinniartitsisullu noqqoruupput, ilinniartitsisut ajugaarujussuarlutik. Arsarnermik tamanna naggaserneqarpoq, aamma ilinniartitsisut tassani ajugaapput 2-1-imik.