Nuummi mittarfik takinerusoq
Nuup mittarfiata tallineqarnissaa qanilliallaqqippoq. Greenland Venture siuttoralugu aningaasaleeqataajumasut arlallit piviusunngortitsiniarlutik aallartipput.
Aningaasaliisartut arlaqartut Greenland Venture suleqatigalugu suliniutigilerpaat periarfissarsiuullugu Nuup Mittarfia 1.199 meter-inngorlugu tallineqarnissaa. Suliniummut ilaatinneqarportaaq mittarfiup ullumikkut illutaasa annertusarneqarnissaat.
Suliniuteqartut aallaavigaat namminersortut nunatsinneersut sulisullu nunatsinneereersut atorlugit suliaqarnissartik, Greenland Venturemi pisortaq Jørgen Wæver Johansen oqarpoq.
- Atortuutit pioreersut aktiaatileqatigiiffimmut piginneqataassutissatut tunniussaqarnerup saniatigut naatsorsuutigineqanngilaq Namminersornerullutik Oqartussat taamalu Nunatta karsiata aningaasaliinissaa. Kommuneqarfik Sermersooq ilisimaneqartutuut siusinnerusukkulli aningaasaliissuteqareernikuuvoq 40 mio. kr.-inik - suliniutinut umiarsualiviup timmisartoqarfiullu allilerneqarnissaannut inerisaanermut atorneqartussanik, taamaalillunilu aamma piginneqataalernissaminut periarfissaqarluni”, Jørgen Wæver Johansen nangippoq.
Siunertaavoq aktiaatileqatigiiffimmik aallartitsinermi Namminersornerullutik Oqartussat, namminersortut aningaasaleeqataasussat aammalu piumassasuseqaruni kommuneqarfik peqatigiillutik piginneqatigiinnissaat.