Parisimi kalaallit illuat nuuppoq
Kalaallit illuat Louvre-museet qanittuani ininut nutaanut annerusunullu nuuppoq.
Kalaallit Illuat - Maison du Groenland - Parisip qeqqani franskit angalatitsiviannit »Grand Nord Grand Large«-imit 2003-mi pilersinneqartoq, illoqarfiit illoqarfianni »avannamut« Opéra-qarfimmut nuussimavoq, museum Louvre nunarsuaq tamakkerlugu tusaamasaasoq ungasippallaarnagu inissisimaffeqalerluni.
Ini siullerminngaannit anneruvoq, taanna kalaallit amerlasuut ukiuni kingullerni takuniartarsimavaat.
Erinarsortartoq Ramus Lyberth qaammammi matumani siusinnerusukkut Parisimi tusarnaartitsisoq, kalaallinit siullerpaajullu illumut nutaamut pulaarpoq. Marlunngorneruinnartoq Kalaallit Illuata Qalasersuaq aamma Sikuiuitsoq Kujalleq pillugu saqqummersitsineq ammariissavaa.
Kalaallit Illuata - Maison du Groenland - maannakkut inissisimaffia tassaalerpoq Rue de Richelieu 75, Parisimi 2. arrondissement.