Sikringiiarneq aallartissutaavoq
Amagerimi sapaatip akunnerata naanerani kamaannersuaq soqutaanngikkaluarmik aallartippoq.
Angerlarsimaffeqanngitsunut unnuisarfimmi kalaallit Somaliamiullu angerlarsimaffeqanngitsut akornanni imatut itinerusumik akeqqersimaartoqanngilaq.
Inuunermi ilaanni sunaarannguaq aallartitsisinnaasarpoq. Sundholm Bocenterimi pisortaq Anne-Mette Bjørn politiken.dk-mut oqaluttuarpoq, Amagarimi sapaatiummat kamaannersuaq gruppit taakku akornanni sivisuumik aporaaffeqarsimanerup kingunerigaa.
Aallaaviusoq tassaavoq Somaliamiut pingasut innaallagissap aqqutaanut sikringi taarserniarlugu tallimanngormat ualikkut torsuusamut anillassimanerat. Kalaaleq angut ornigussimavoq, sikaavimmilu sikringeqarfimmi taarsiiniartut aqunnialersimallugit.
- Oqaatsitigut imminnut paasisinnaarpiannginneq tamarmillu silamikkut sunnerteqqammata pisut sukatsikkiartulersimapput. Immaqa ikiuunniarluni oqarneq sikringimik tillinniarniarnertut paatsoorneqarsimavoq - taamalu qulleqarnani kissarsuutillu sapaatip akunnerata naaneranni qaminngariataarsinnaanera akerlerisaq kamaammertissimavaa, Anne-Mette Bjørn oqarpoq.
Akerleriinneq sapaatip ingerlanerani sukatsikkiartorpoq, tassani inuup ataatsip Somaliamiut ima sakkortutigisumik sukasarsimavai Sundholmip eqqaani nunami aqqusinermi kammattoqalerluni. Gruppit tamarmik qisumerngit, puiaasat anaartaatillu nunamut tamanut tamaanga sapaatip akunnerata naanerata ingerlanerani toqqortersimavaat, imminnut illersornissaminnut piareersimaniassagamik.
- Taamalu sapaatiummat ualikkut imigassamik aanngajaarniutinillu naammattunik pereersimallutik qaartoorput. Avataaneersut angerlarsimaffitsinniittutulli amerlatigaat. Immikkoortortamiippugut inuit aalajangersimasut ornigarfigigajuttagaanni, ilaatigut tamaani ikiaroornartunik tuniniaasoqartarnera peqqutigalugu. Kammanneq assut sakkortuuliorfinngorpoq, Anne-Mette Bjørn oqarpoq.