Tove Søvndahl akunnaatsuliisoq
Namminersornerullutik Oqartussat Danmarkimi aallartitaqarfianni pisortaq 50-iliinissaminut atatillugu talllimanngorpat ilasseqatigiinnissamut Illu Atlantikumut qaaqqusivoq.
Tove Søvndahl inuiaqatigiinnut tunngasunut tuluttullu cand. mag.-iuvoq, Odensep Universitetiani ilinniarsimalluni, arfininngorpallu maajip 30-anni 50-iliissaaq, ag.gl. allappoq.
Ukiorpaalunni EU-Kommisionimi nunat inoqqaavinut immikkut ilisimasalittut siunnersortaavoq, massakkullu pisortaaffigisamini ukiuni arlalinni aamma sulisuusimalluni. Ullumikkut Ilisimatusarfiup siulersuisuini siulittaasuuvortaaq.
Tove Søvndahlip nunatta sinniisoqarfiani pisortatut atorfini 2007-imi septebarip 1-anni atorfinippoq, Einar Lemche kingoraarlugu.
Tassani pisortaanerani ingerlatsineq arlalitsigut nutarteriffiuvoq. Ullumikkut pingaartinneqarpoq uuliamik aatsitassanillu piiaanissamik soqutiginnittunut paasisitsiniaaneq pingaartinneqarpoq, soorlu aamma sulisut kalaallisut akeqanngitsumik ilinniartinneqartalersut.