Inuusuttunik qinersigit

- Uanga akulerutissanngilanga - ilissiuna qinersinersi - kisianni uanga isumaqarpunga, maanna piffissanngortoq, ilissi qujanissarsi - uummammik pisumik! - polikerinut namminersornerulernissamut taasumalu ingerlanerani ilissinnut ikiuussimasunut - kiisalu maannakkut imatut iliorlusi: Inuusuttunik taasigitsi!

Taamatut oqarpoq Flemming Jensen DR-imi P1-imi pingasunngormat aallakaatitami Kanten-imi.

Kalalaallit qineqqusaarnerannut Flemming Jensen "akulerulluni" siullermiilinngilaq. 1989-imi qinersisartut kajumissaarpai taamani 26-nik ukiulik Ellen Kristensen, Folketingimut qinersinermi taaqqullugu. Ilaasortaasutoqaq Otto Steenholdt ukiuni 21-ni ilaasortaasimasoq ajugaaffigaa.

Ullumikkut Flemming Jensenip qinersisartunut tamatuma assinga oqariartuutigaa: Pisoqqat nutaanik taarsersigit, sapinngisamik kiinnanik inuusuttunik.

- Kalaallinik inuusuttunik asseqanngitsunik, iliniarluarsimasunik, akuttunngitsutigut pingajuinnik oqaaseqartuusunik ilissi peqarpusi, piareersimappullu. Taakku atorniarsigit!

Uagut maani ilissi inuusuttasi assut ilinniarfigisinnaavagut, taakkumi oqaluttuassartaqanginngillat! Uanga isumaqarpunga imaatoq, taakku annernartumik akueralugu una, namminneq angajoqqaamik aamma aanaakkumik aataakkumillu piffissaq inuuffigisimasaat iliuuseqarfisariaqarlugu misigisimapput, taamanimi pitsaasutut isigineqassagaanni uuttuutissatuaasoq taassaavoq "qallunaajussutsip qanoq annertutiginera". Taamaaliorput aanaakkumik aataakkumillu kulturiat pissarsiariniarlugu.

Kiisalu tassannga inuiaqatigiit tunngavilerniarlugit. Imaanngitsoq qangatut inuttut inuuniarlutik - kisianni maannakkut pisut aamma siunissami pisussat pilersinniarlugit iluamik aallaavissaqarniarlutik. Tamanna isigalugu uagutsinnut ilinniutaalluarpoq, uagut sukkasuumik ineriartorneq tamaat aqqutigalugu immaqa pissinnerpiaap sakkortunera portussusialu alutoringaaratsigu, taava uagut puigorsimavarput pisseriarnerup pingaaruteqassusia. Tamannami pinngikkutsigu ineriartorneq imaaliallaannaq atorunnaarsitsiartorninngussaaq. Qanga pisimasut maanna pisunik pilersitsisuupput - taakku eqqarsaatiginagit iliuuseqarneq isumassaqanngilaq.

Kingullermik nuaannerluinnaqqissaartumik Kalaallit Nunaanniikkama, angutip inuusuttup oqaatsit eqqarsarnartillugit malugisakka anippai: "Tarniga ippoq suminngaanneerfinni - uumatiga ippoq ornigassanni!"

Ilissiuguma uanga taanna angut neriuffigissavar, Flemming Jensen aallakaatitassiami Kantenimi oqarpoq.

Aallakaatitassiami Kanten-imi inuit peqataatinneqartartut tassaapput uumammiullit, arlaannik annaasassaqarsinnaasut. Inuit isummersuutiminnik naalaartartunut tunniusserusuttut. Isummersuutit unammillerusunnartut, qinngasaarisut, uniffeerutsitisartut. Nunarsuarmik isiginninnerat - eqqarsartitsilersinnaasut aamma oqllitsilersinnaasut.

Kanten-imi peqataasut sapaatit akunneranni pisumut oqaluttuamut, sapaatit akunneranni sammineqartumut isummersornerat, aaqqiissuunneqanngitsut, killorneqanngitsut aamma oqaaseqarfigineqanngitsut, tassaapput peqataasut namminneq inuttut oqallinnermut ilanngussaat, dr.dk allappoq.

Aalakaatitassiaq tamakkerlugu tusarnaaruk uani.