Issitumi uulia aamma gassi

Nunarsuarmi uuliap suli qallorneqanngitsup 13 procentia kiisalu qassip qallorneqanngitsup 30 procentia issittumi pisassamaatigineqartoq, ilisimatusarnikkut misissuinerup nutaap takutippaa.

Issittumi uuliamik aamma gassimik peqarpoq, kisianni piffissaq sivisooq qaangiuppat aatsaat nuannaarutigisinnaasavagut. Assiliisoq: JOHN MCCONNICO/Polfoto

Misissuinermi annertuumi nutaami ilisimatuut nalilerpaat, imaalluarsinnaavoq Issittumi sikup ataani uulia nappartanik 83 miiliardinik annertussusilik toqqortaasoq. Tamatuma naligaa nunarsuarmi uuliap atorneqanngitsup pissamaataasullu 13 procentia, nunarsuarlu tamakkerlugu ukiuni pingasunik uuliamik atuinermut tamanna naammappoq, sciencemag.org allappoq.

Uulia pissamaataasoq immap naqqani nunami 500 meterit inorlugit itigisumiippoq, tassalu imaappoq, uuliasiorluni qillerinikkut anguneqarsinnaallutik. Kisianni selskabit uuliasiornermik ingerlataqartut imaasinnaavoq aatsaat qilererusulissasut piviusumik pisariaqartitsisoqalerpat kiisalu aamma teknologi atorneqartussaq pigineqarpat.

– Ukiut qulikkaat aatsaat ingerlareerpata nukissiuutissat atorneqalersinnaassapput, Gordon Kaufman oqarpoq Cambridgemi Massachusetts Institute of Technologymi matematikki tunngavigalugu naatsorsueqqissaartartoq, misissuinermili nutaami peqataasimanngitsoq.

Naliliinermi nutaami ilisimatuut tunuliaqutaasut tassaanerupput amerikarmiut uanngaanneersut US Geological Survey, taavalu qallunaaq ilisimatooq ataasituaq Kai Sørensen, GEUS-imeersoq (Grønlands og Danmarks Geolgiske Undersøgelse).

Powered by Labrador CMS