Amerikarmiut kalaalinngorsaaneq isornartorsiorpaa

Atuarfinnik kalaalinngorsaaneq sunik tamanik aseruivoq, qallunnaat aviisianni taamatut naliliivoq amerikarmiu piffissami aalajangersimasumi ilinniartitsisuusimasoq.

Atuarfitsialak klassini minnerni ajunngitsumik ingerlasutut ippoq. Kisianni meeqqanut utoqqaanerulaartunut iluarsaasseqqinneq kingusinaarsimagunarpoq Kalaallit Nunaanilu
Charles Kinney ilaatigut makkunani ilinniartitsisuusimavoq Kangaamiut, Atammik, Napasoq, Qasigiannguit aamma Qeqertarsuaq. Assiliisoq: Leiff Josefsen.
Atuarfitsialak klassini minnerni ajunngitsumik ingerlasutut ippoq. Kisianni meeqqanut utoqqaanerulaartunut iluarsaasseqqinneq kingusinaarsimagunarpoq Kalaallit Nunaanilu Charles Kinney ilaatigut makkunani ilinniartitsisuusimavoq Kangaamiut, Atammik, Napasoq, Qasigiannguit aamma Qeqertarsuaq. Assiliisoq: Leiff Josefsen. Atuarfitsialak klassini minnerni ajunngitsumik ingerlasutut ippoq. Kisianni meeqqanut utoqqaanerulaartunut iluarsaasseqqinneq kingusinaarsimagunarpoq Kalaallit Nunaanilu Charles Kinney ilaatigut makkunani ilinniartitsisuusimavoq Kangaamiut, Atammik, Napasoq, Qasigiannguit aamma Qeqertarsuaq. Assiliisoq: Leiff Josefsen. Atuarfitsialak klassini minnerni ajunngitsumik ingerlasutut ippoq. Kisianni meeqqanut utoqqaanerulaartunut iluarsaasseqqinneq kingusinaarsimagunarpoq Kalaallit Nunaanilu Charles Kinney ilaatigut makkunani ilinniartitsisuusimavoq Kangaamiut, Atammik, Napasoq, Qasigiannguit aamma Qeqertarsuaq. Assiliisoq: Leiff Josefsen.

Arfininngormat saqqummersumi Politikenimi amerikarmiut piffissami aalajangersimasumi ilinniartitsisuusimasut aamma oqaatsinik ilisimatusartup Charles Kinneyp Kalaallit Nunaanni atuarfeqarfik aamma Atuarfitsialak appisaluuppai. Kinney ukiuni kingullerni marlunni Kalaallit Nunaanniissimavoq English Language Fellowitut (ikinngut tuluttut oqaasilik) sulilluni, amerikarmiut ingerlataat tuluttut ilinniartitsisunik nunarsuaq tamakkerlugu aallartitsisarneq.

Charles Kinneyp ilaatigut Maniitsup nunaqarfiini meeqqat, meeqqat atuarfiani atuartut atuartissimavai kiisalu tamatuma saniatigut isiginnaartitsissusiaq »Anguti and Juliette«, Nuummi Atuarfik Samuel Kleinschmidt, ASK-imi, isiginnaartitsissutigineqartoq suliniutigisimallugu.

Nammineq imminut avataaneersutut isigivoq, siunnersorti kikkunnulluunniit attuumassuteqanngitsoq, pivisut naapertorlugit isiginnittoq. Taamatut inissisimasutut qularutiginngilaa piviusoq tunngavigalugu aalakaatitassiami »Flugten fra Grønland«-imi inerniliinerit eqqortuusut:

»Inerniliinerit "Flugten fra Grønland"-imi inerniliunneqartut, amerlanersaat eqqorput kiisalu maluginninniarneq inuiaqatigiit kalaallit aamma ilinniartitaanernik aaqqissuussinerit ajortumik inissisimanngikkunik ajortumut inisseriaannaasut, eqqutunik uniuallaanngitsut. Taamaakkaluartorli naak maluginiaanerit artornaraluartut, kiisalu eqqortoq eqqortumik oqaatigissagaanni, suli siunissami neriunartoqarpoq« ilaatigut Kinney arfninnngormat Politikenimi taamatut isummersorpoq.

Kalaallit Nunaanni atuarfinni "kalaalinngorsaaneq" kalaallit atuarfippiaanni ajorluinnartumik kinguneqarsimavoq. Arriitsumik, kisianni ataavartumik kalaallit ilinniartitaaneranni ilinniartitsisut taarseraannerat, siornatigut oqaatigineqartanngitsumik maannakkulli erseqqissumik namminersornerusunit politikkiusup, danskit ilinniartitaaneq ingerlatsinerat sequminneqarsimavoq.

Namminersornerusut ilinniartitaanermut nutaamik atugassaminnik ineriartortitsiniarput, kisianni inuit taassuminnga suliaqartut isumaqatigiissutigereersimallugu, suunaagaluartorluunniit atorneqarsinnaasoq tamaallaat danskit piginnippassuk. Qanorluunniit naleqassagaluarpat namminiilerusunnerup pissutsit imaatut pilersissimavai, kalaallit aamma kalaallit innuttaasut ilinniarsimasut siunissami qaninnerusumi naalagaaffimmik anguniakkaminik naammassinnissinnaasumik ingerlatsisinnaanissaat sinnattuaqinertut isikkoqartoq.

Tamanna anguneqarsinnaagunanngilaq avataaniit ikiorsiisoqanngippat. Tassami ilinniagaqarsimasut naammanngillat sunik tamanik pissusissamisut ingerlatsilersinnaasunik.

Kalaallit Nunaanni ilinniartitaanerup ingerlanneqarneranut pilersaarusiorluakkamik iserniarnissaq amiilaarnartut akioriinnerannut assinguvoq. Piffissap ilaani pisut ikiorfissaqanngitsutut isikkoqalersarput. Imigassaq Kalaallit Nunaata nakkaatigisussaavaa, kisianni tamatumunnga ilutigitillugu taanna aamma Kalaallit Nunaanni namminersornerusunut annertuumik isertitaqarfiusarpoq«, ilaatigut Charles Kinney isummersuutimini naliliivoq.

Powered by Labrador CMS