Sisimiuni paaqqinnittarfik matoqqasoq
Namminersornerullutik Oqartussat Sisimiuni paaqqinnittarfik meeqqanut inuusuttunullu paaqqinnittarfimmut matoqqasumut allanngortiterpaa.
Meeqqat inuusuttullu sakkortuumik pinerlussimasut pinerluttut inersimasut akornannut inissinneqartassanngillat. Taamaattumik meeqqat inuusuttullu ikiorneqarnissaat pillugu inatsisartut peqqussutaat allanngortinneqarsimavoq, taamaasilluni ulloq unnuarlu paaqqinnittarfinni immikkoortoqarfinnik matoqqasunik pilersitsisoqarsinnaalluni. Ullumikkut taamaattumik immikkoortoqarfeqanngilaq, Namminersornerullutilli Oqartussat Sisimiuni paaqqinnittarfik meeqqanut inuusuttunullu paaqqinnittarfittut matoqqasutut allanngortiterpaat.
– Paaqqinnittarfik meeqqanut inuusuttunullu ulloq unnuarlu paaqqinnittarfittut matoqqasutut allanngortiterparput, taamaasilluni siunissami sakkortuumik pinerluuteqarsimagaangata pinerluttut inersimasut akornannut inissinneqartassanatik, Ilaqutariinnut Pinaveersaartitsinermullu Aqutsisoqarfimmi pisortaagallartoq Naja Rosing Fleischer oqarpoq.
Immikkoortoqarfik matoqqasoq meeqqanut inuusuttunulluunniit sakkortuumik pinerluuteqarsimasunut sisamanut inissaqassaaq. Immikkoortoqarfik ulloq unnuarlu paaqqinnittarfiup Qasapermiut ataani inissisimassaaq.
Sermitsiaq nr. 17 atuaruk...