Maaji Peqqinnartuutiguk ingerlateqqinneqarpoq

Ullut 35-it ingerlaneranni Nuummi aaqqissuussinermi Maaji Peqqinnartuutiguk ingerlatassani katillugit 136-iusuni sammisassat assigiinngitsut 27-it ingerlanneqassapput.

Siorna MAAJI Peqqinnartuutiguk-mit sikkilernermit. Ass.: Leiff Josefsen

MAAJI Peqqinnartuutiguk aallartippoq ataasinngormat nal. 17.00 ammaanersiornikkut aammalu Pikkori Sportimiit Katuamut ingerlaaqatigiinnikkut, tassani aliikkusersuisoqarlunilu borgmester Asii Chemnitz Narupip pisussat aalartissallugit.

Pisussat nutaat ilaat arfininngornermi maajip 2-anni ingerlanneqariissaaq, tassani ilaqutariit/ingerlatsiviit qulikkaartut Katuap saavanit aallartillutik nal. 15.00 stafetimik unammissammata. Ukiup sisorarfiusup naggaserneqarnera malunnartinniarlugu pingasunngorpat amuartaatip eqqaani siaasaaviit nal. 17.00 ikiterneqassapput, taakkunani nerisassat nammineq nassatat sianneqarsinnaallutik.

Amuartaalli suli ammasarallassaaq.

Sapaammi maajip aallaqqaataani Quassussuup tunuani NSP sisoraatinik oqilaniutsitsissaaq.

Piffissani aalajangersimasuni maaji naallugu Fin & Fun-imi, Nuuk Fitness-imi aamma naluttarfimmi Malik-mi akeqanngitsumik sungiusartoqartarsinnaaavoq.

Siorna aaqqissuussineq MAAJI Peqqinnartuutiguk iluatsilluarsimasorujussuuvoq 44-nik aaqqissuussisoqarluni 4.800-nik peqataaffigineqartunik, Mira Eun Lang Sørensen MAAJI Peqqinnartuutiguk komitémeersoq oqaluttuarpoq.

Powered by Labrador CMS