Meeqqat pillugit suleqatigiinneq
ICC-p inuusuttunut suliniaqatigiiffia, Red Barnet, Nanu aamma Meeqqat Inuunerissut peqatigiittut suleqatigiilerput
Peqatigiiffiit annertunerusumik suleqatigiilernissartik sivisuumik kissaatigisimavaat, maannalu periusissaq, peqatigiiffiit sulinerannut naapertuttoq, nassaarisimavaat, taamatut allapput peqatigiiffiit taakkua sisamat. Maanna isumaqatigiissimapput ikinnerpaamik kvartalikkaartumik ataatsimiittarniarlutik, isumassarsianik taarseeqatigiinniarlutik aammalu siunissami suliniutissanut pilersaarutit oqaloqatigiissutiginiarlugit.
- Peqatigiiffiit uppernaat ataatsimiittarnissat peqatigiiffiit ineriartuinnarnissaannut qulakkeerinneqataassasut aammalu peqatigiiffiit suliniutaasa pitsaalluinnartuuginnarnissaannut.
Suleqatigiinneq annertunerusumik nukissaqartitsissaaq, Line Frederiksen, Meeqqanut Inuunerissut-mi siulittaasoq oqarpoq.
- Piumassutsimik ingerlatsivimmi sulinermi aporfissarpassuaqarsinnaavoq. Peqatigiittut ataatsimiittarnitsigut pissutsit siuarsaqataatinneqassapput sorsuutiginnitsinnillu ingerlatitseqataassallutik, aporfissaqartassagaluarluta.