Meeqqat pillugit isumasioqatigiinneq
MIPI – Meeqqat Inuusuttullu pillugit Ilisimasaqarfik ulloq naallugu isumasioqatigiisitsivoq, taaguuserlugu "Ilsimasaniit iliuuseqarnermut - meeqqanut inuusuttunullu tunngatillugu".
Isumasioqatigiinneq Katuap inersuaaraani marlunngornermi ingerlanneqartoq pingaarnermik inunnut aalajangiisartunut aammalu meeqqanut inuusuttunullu tunngasuni suliaqartuusunut saaffiginnittuuvoq.
MIPI – meeqqat inuusuttullu pillugit Ilisimasaqarfiup Kalaallit Nunaanni meeqqanut inuusuttunullun tunngasuni ilisimasat pitsaanersaat pigineqartut qanoq pitsaanerpaamik atorsinnaanissaannut siunnersuummik inerniliiniarpoq.
Taamatut iliortoqarsinnaavoq ilisimasaniit iliuuseqarnissamut ingerlaqqeriarnissamut sulinermi sakkussat ilaat saqqummiunnerisigut. Allatut oqaatigalugu suut iluatsittumik ingerlasut atornerunissaat pineqarpoq, tassanilu aallartiffimmiit apuuffissamut qanoq iliortoqarsinnaanersoq.
Isumasioqatigiinnermi siunertarineqartut sisamaapput: Meeqqanut inuusuttunullu tunngatillugu taaguutip elektronikki tunngavigalugu ilisimasat (evidensbaseret) saqqummiullugu ilisaritinnissaa, suliniutit ilisimasanit aallaaveqartut akuulersikkiartornissaanut tunngatillugu periusissatut sakkussanik tunniussinissaq, atugassat tamakku meeqqanut inussuttunullu sammisaqartitsinermut assigiinngitsunut peqataasunut eqimattakkaartumik misilittartinnissaat aammalu siunissami elektronikkimik tunngaveqarluni ilisimasat pitsaanerpaat tunngavigalugit ingerlateriaaseqarnissamik meeqqanut inuusuttunullu tunngatillugu nalilersuisarnissap pingaaruteqassusiata oqaluuserineqarnissaa.