Nanu børn-imut Facebook-imi akerliusut

Facebook-imi gruppe nutaaq qulequtalik "Nanu Børn - Kun for de rige" pilersinneqarsimavoq.

Polfoto

Aliikkusersuisitsinissarsuaq sapaatip akunnerata naanerani maajip 8-ni 9-anilu ingerlanneqartussaq Kalaallit Nunaanni meeqqat Nanubørn ikiorniarlugit ingerlanneqartussaq Facebook-imi isorineqarpoq. Tamanna sermitsiaq.gl-ip paasivaa. Ippassaq unnukkut gruppe aliikusersuinissaarsuarmut akerliusoq pilersinneqarpoq, aqutsisoralugu Gertrud Kleist, gruppe taanna 47-nik ilaasortaqalereersimavoq, taakku isumaqarpug aliikkusersuinissaarsuaq pisuuginnarnut aaqqissuussaasoq.

Aliikkusersuinissaarsuaq aliikkusersuinermik piariaqanngitsumik annertunaakkami ilaatigut peqataassapput statsministeriusimasup nuliaa Anne Mette Fogh Rasmussen aamma X-Factorimi peqataanikut nuannarineqarluartut ABC.

Pisussat tamaasa, aliikkusersuineq, nerinertalerlugu angallanneqarnerlu katillugit 1200 kronenik akeqarpoq.

Gertrud Rask gruppeprofilimi allappoq Kalaallit Nunaanni innuttaasut aningaasatigut taamak akissaqartiginngitsut katersuiniarnernut taamaattunut tapersersuinissaannut periarfissaqanngitsut.

Gruppemi ilaasortaq alla allappoq Nanugruppe naleqarnerminik avatangiisiminut takutinniartoq, aammalu pisussaq pillugu oqaaseq piisaapilunneq atorlugu.

1200 kroniuteqanngikkaanni 150 kronit atorlugit gallashow isiginnaarneqarsinnaavoq.

Powered by Labrador CMS