Uummannami nalagit
Eqqumiitsuliortoq Hollandimiu Rob Sweere sisamanngorpat Uummannamut tikeraassaaq, tassanilu innuttaasut suliniutiminut "sky in silence"-imut peqataaqqullugit aggersarpai.
Sisamanngorpat nal. 4.30 inuunermit ilaa halv tiimi atorlugu sky in silence-imik taaguutilimmut peqataagit - Uummannami pissaaq.
Hollandimiup Rob Sweere-p kajumissaarutaa taamak nipeqarpoq. Rob nunarsuaq tamakkerlugu suliniunni pillugu angalaarpoq, suliniutaa pisariunngitsuvoq, tassa nalaluni qimammik qimerluuerujoorneq. Nallarluni qimerluuioneq assilineqassaaq - Uummannamilu pilersaarutaavoq, pisup qulimiguulimmiit assilineqarnissaa.
nalalluni qilammik qimerluuerujoornerup saniatigut halv tiimip ingerlanerani avataarsuanut naassaanngitsumut isiginnaajutigaluni eqqarsaatersorujoornissamut periarfissaqarluarpoq. Rob isumaqavippoq qilammut isiginnaarnermut peqataanermi unkiit annertoorujussuit pilersinneqartartut.
Suliniummut peqataarusukkuit Rob Sweere email-ia rob.sweere@gmail.com atorlugu attavigisinnaavat - aamma nittartagaa http://robsweere.nl alakkarsinnaavat, tassaniipput suliniut nunarsuarmi allani ingerlanneqarsimasoq.
Suliniut peqataasunut akeqanngitsoq hollandimi kulturministerium-imit aningaasalersorneqarpoq.