Google Earthimut assit nutaat

Google Earthimik atuisartut isumaqarput assit nunatsinneersut pisoqaavallaartut, maannali tamakkua nutarterneqalerput.

Assi: Asiaq

Nutarterinerli aatsaat aasaru pissaaq, Asiaq-p, Kalaallit Nunaanni Misissueqqaarnerup, Asiap, Nuuk, Sisimiut, Paamiut, Qaqortoq Ilulissallu qulaallugit angalassammat. Taamatut paasissutissiivoq Henrik Fenger Jeppesen, Asiameersoq.

Assit, Google Earthimi takuneqarsinnaasut piffissami 2000-imiit 2007-imut katersorneqarsimapput. Nutaajunerpaat 2007-imeersut tassaapput Maniitsup Sisimiullu assingi, timmisartumit assilineqarsimasut.

- 2009-mili pilersaarutigaarput Nuuk, Sisimiut, Paamiut, Qaqortoq Ilulissallu silaannarmit assiliniarlugit, Henrik Fenger Jeppesen oqarpoq.

- Assiutivut qaqutigorujussuaq nutarterneqartarput, akerlianilli Google-p Kalaallit Nunaat qulaallugu satellitsikkut assilisartagaannit eqqornerujussuullutllu erseqqinnerujussuullutik, oqarpoq.

Powered by Labrador CMS