Nunatsinni isumaginninnermik Højskole
Den sociale Højskolemiit ilinniartitsisut marluk isumaginninnermik siunnersortit 25-it allagartartaarfigalugu ilinniartitaanermik nutaamik ilinniartissavaat.
isumaginninnermik isunnersortit isumaginninnermillu suliallit allat 25-it aqutsinermut aaqqissuussaanermullu allagartartaarfigalugu ilinniartitaanertik aallartereerpaat.
- Ilinniaqqinnikkut Kalaallit Nunaanni isumaginninnermik siunnersortit qangali pisariaqartitsinerannik kissaataat naammassineqarpoq, ilinniartitaanerlumi ilisimasat amerlinerisigut, attaveqaqatigiiffiit pitsaanerulernerannik aamma isumaginninnermik siunnersortit akunnerminni imminut paasisaqartiginerunikkut pitsaasumik sunniuteqarfiulereerpoq, attaveqarnermut tunngasunik suliaqartoq Thomas Jensen, Den social Højskolemeersoq, allappoq.
Isumaginninnermik siunnersortit ilarpassui aqutsisussatut toqqarneqartarput, tamannalu aqutsisinnaanerup aaqqissuussaanerullu iluani ilinniaqqinnissamut pisariqartitsinermik malitseqarpoq. Taamaattumik ilinniartitaanermi anguniarneqarpoq Kalaallit Nunaanni isumaginninnermik suliaqarnerup aaqqissuussaanikkut nalinginnaasumillu sulinerup nukittorsarneqarnissaa.
- Ilinniartut ilarpassuisa ulluinnarni sulinerminni Danmarkimut sanilliullugu illuatungeriinniit tatineqarneq annertunerusoq misigisarpaat, taakku suliaminnut tunngasortai namminerlu inuttut atugaat kattutaarnerusarmata. Ilinniartut inuit najugaqatimik akornanni inooqataajutigalutik suliffimminni kisiartaallutik isumaginninnermik siunnersortitut sulisuullutik amerlanertigut immikkoortitaasimasumik oqimaatsorsiorfiusinnaasumillu inuusinnaasarput.
- Tamatumani pingaarutilimmik pisariaqartinneqarpoq, ilinniartitaanikkut ilinniartut taakku suliassaqarfikkut piginnaasatigut pisariaqartitaasa nukittorsarnissaat, aammalu suliat tungaasigut attaveqaqatigiiffissaannik pilersitsinissaq.