Meeraq pillugu suliaq sivisuallaarujussuarpoq
Qeqqata Kommuniani ilaqutaariinnermut ataatsimiititaliap nassuerutigaa Maniitsumi meerarsiaq qulinik qaammatilik pillugu suliaq sivuallaamik suliarineqarsimasoq.
Annonce
Suliaq imaannaanngitsoq sivisuumillu suliaasimasoq tusagassiuutitigut sammineqaleraangat isumaginnittoqarfimmi sulinermut sunniuteqalertartoq maluginiarneqarpoq, knr.gl allappoq.
- Annertuumik ilinniarfigaarput, aamma Qeqqata Kommuniani anguniartuassavarput assingusumik pisoqaqqinnginnissaa. Qaammatit arfineq-pingasut suliap ingerlasimanera uagut suleriaaserinngilarput. Sivitsorsaalluta sulianik uninngatitsiinnarneq ajorpugut, taamaammat naatsorsuutigineqassaaq uagut Qeqqata Kommuniani taama pisoqaqqinnginnissaa eqqummaariffigissagatsigu, Qeqqata Kommuniani ilaqutaariinnermut ataatsimiititaliami siulittaasoq Bitten Heilmann oqarpoq.