Niuernermik ilinniarfik allisartoq

Nuummi Niuernermik Ilinniarfiup Sermit-ip illuutaa Aqqusinersuarmiittoq pariilip aallaqqaataaniit tiguaa. Ulloq taanna Per Berthelsenip kiileriliassarsuarmut 5554 m2-mik angissusilimmut assaanissamut nivatassat aallarnerlugit nivariaqaarpoq (isikkamik arsaattarfittut angitigisoq), tassaniissapput ilinniartutsinnut timersornermut atortut nutaaliaanerpaat, NINUUK-mi nittarsaassinermut ataqatigiissaarisartoq Per Thomsen oqaluttuarpoq.

- Naqqup iluani timersuutitsinnut nutaalianut tunuliaqutaavoq NINUUK-mi nalinginnaasumik atuartitsinerput atuqartuutitsinnut tamanut ullormut 2 tiiminik timersortitsisarluta sukasarniaratsigu (ullaakkut 7 aallartittarluta) - ullaakkorsiutinik peqqinnartunik inuussutissaqarluartunillu nerisaqarnissamut ilitsersuutitalinnik ullaakkorsiutituutigaluni.

- Siunertamut taasunga immikkut siunnersortumik timersornermik ilisimasaqarluartumit Chris MacDonald aamma sakkutuumit B.S. Christiansenimit ikiorneqassaagut. Taakku marluullutik atuartuutigut tamarmik strong body and a strong mind-imik peqalernissaannut ikiuunnissaminut qilanaarput.

NINUUK-p pisortaa Inger G. Larsen tassunga atatillugu oqaaseqarpoq:

- Naqqup ataani timersortarfittaassarput nutaaliarsuaq Kalaallit Nunaannit ilinniarnermut siunissaavoq. Skemami ullormut sivikinnerpaamik 2 tiimini timersortaraanni ilikkagaqarsinnaassuseq pimoorussisinnaanerlu pitsaanngortinneqartarpoq - peqatigitillugu tamarmik nerisassat peqqinnartut qasujaallisarnerlu ilikkagaqarfigilluassavaat.

NINUUK-p naqqup ataani timersortarfissaa nutaaliarsuaq pillugu suliniut sananeqarneralu EU-p aningaasaateqarfianit »Issittumi Peqqissarfittut Timersorfiit pitsanngorsarnissaat«-nit aningaasalersorneqarpoq.

NINUUK-ip naqqup ataani timersortarfissarsuata titartarnerit ugguuna talerpiatungaatigut downloadikkit.

SALLOQITTAAT!