Isumassarsiat pitsaanersaannik unammisitsineq

Siunnersuisartut Rambøll Sisimiuni immikkoortortalik silap allanngoriartorneranut naleqqussarneq qulequtaralugu ingeniørinngornianut unammisitsiniarpoq.

Seqernup kissaanik nukissiuutit. Foto: Polfoto

Rambøll DTU-mi Århus Universitetimilu ingeniørinngornianut (Sisimiuni Center for Arktisk Teknologi ilanngullugu) »suliassatigut naammattumik piginnaasalinut siunnersortitullu siunissamut sapiissusilinnut« akissarsisitsiniarpoq.

- Siunissami klimap tungaatigut aaqqiissutissamut nutaaliornermik siunnersuutissaqaruit nunarsuarmi takusassarsiornissannut periarfissippatsigit, Rambøll nittartakkamini allappoq.

Rambøllip 2009-mi akissarsiassaanik akissarsisinneqartoq Rambøllip Indiami, Qatarimi imaluunniit Rumæniami allaffiiniinnissamik periarfissaqassaaq.

Akissarsinissamut periarfissaqarniaraanni klimatigut nunarsuup unammillernartoriligaanut ilungersunartunut qanoq aaqqiivigineqarsinnaanerannut isumassarsiaq nassiunneqassaaq. isumassarsiaq immikkoortut arlaannut nassiunneqassaaq: Isumassarsiat kilamut naleqqussarnissamut tunngasut, imaluunniit isumassarsiat klimagassinik aniatitsinermut millisaataasinnaanermut tunngasut.

Immikkoortunut taakkununnga marluusunut ataatsimut marluutillugilluunniit kilmamut isumassarsiat ataaseq arlallilluunniit maajip 15-iat nallertinnagu nassiunneqareersimassapput. Naliliisussat siunnersuutit nassiunneqarsimasut nalilersussavaat.

Powered by Labrador CMS