Sermersuarmik itivittuni Danskini nukaarlersaaniartoq

Danskit sermersuakkut itivittut nukarlerpaartarilissagunarpaat 18-inik ukiulik Gustav Tøstesen Nibe-p eqqaaniittumi Nørholmimeersoq.

18-inik ukiullip Jakob Tøstesenipsermersuakkut itiginnissani sapaatit akunnerinik tallimanik sivisussuseqassangatippaa. Assi Polfoto/Karsten Bidstrup. Jakob Tøstesen sermersuakkut itivinnialertinnani sapaatip akunnerani 10-mi sungiusarpoq. Assi Jakob Tøstesen/dr.dk

netredaktion (netredaktion@sermitsiaq.ag)

sisamanng 09. apr 2009 00:19

Annonse

Gustav apriilip 13-iani Kalaallit Nunaaniarluni aallassaaq. Taassuma angalanerup sapaatit akunnerinik tallimanik sivisussuseqarnissaat naatsorsuutigaa, dr.dk allappoq (P4 Nordjylland).

- Kajumigisara iliuuseqarfigiinnarpara, isumaqarpungalu allamik siunertaqarsimananga, Gustav Tøstesen oqarpoq.

Gustav Kalaallit Nunaaneereersimavoq, kisianni maanna ingerlanniakkamisut ilungersunartigisumik siornatigut angalanikuunngisaannarpoq. Kisianni pilersaarut eqqarsaatigilluagaavoq.

- Danmarkimi pinngitsoorani suliassat amerlavallaaqaat, ilarsuilumi immaqa kajumigivallaarnagit. Kisianni Norgemiikkaangama imaluunniit Kalaallit Nunaanniikkaangama tamakkorpassuit tamarmik qimattaraannga malugisarpara, 18-inik ukiulik oqarpoq.

nunatsinnit inuiagatigiit