Ikuallanneq nal.ak. ataaseq qaangiummat qaminneqarpoq
Sisimiuni Brugsenip pequusiviata nutaap qaliata qaavani ikuallanneq sapaatiummat ullaatungaa qaminneqarpoq.
Annonse
Ikuallanneq nal. qulit missaanni aallartippoq sanasut illup qaavani pappialarsualersuitillugit.
Qatserisartut ilisimatitsinerat naapertorlugu pappialarsuaq suliaritillugu ikuallattoqalersimavoq. Kingorna inneq siammaatilersimavoq, ilaatigut qaliap qaavanut ammullu qaliap qisuttaanut.
- Pujoq annertunngitsoq pequusivimmut anngussimavoq, kisianni pisiniarfik ajoqusinngilaq, qatserisartut pisortaat Steen Boassen Sisimiut qatserisartuineersoq ilisimatitsivoq.