Kalaallit meerartaannut 55.000 kronit

Holbækimi atuartut ullut sisamat ingerlanerinnaanni 55.000 koruuninik katersisimapput, Kalaallit Nunaanni meeqqanut atugarliortunut atugassat.

Holbæk Lilleskolemi atuartut angajulliit atuarnertik unitsikkallarlugu nukitik tamaasa atorpaat Red Barnetip Kalaallit Nunaanni ornittagaanut aningaasanik katersuillutik, taamatut allappoq dr.dk.

Ullut sisamaannaat ingerlaneranni atuartut 54.675 koruuninik katersisimapput.

- Nuannaartorujussuuvugut angusarpullu tulluusimaarutigisorujussuullugu, Mads Laursen Vig, Holbæk Lilleskolemi 9. klassemi atuartoq oqarpoq.

Aningaasat maanna Red Barnetimut ingerlateqqinneqassapput, taassumalu aningaasat Kalaallit Nunaanni meeqqat ornittagaannut agguaatissavai.

Powered by Labrador CMS