Marraasersuutitoqqat ulorianartorsiortitsipput

Danmarkimi atuarfik 10 millioner koruuninut tamakkiisumik nutarterneqarpoq. Nuummi sanaartornermi atortut imaanut iginneqarput. Kalaallit Nunaata nillataartitsivianut.

Qanga ajortuliarisimasat imaluunniit sanaartornermi atortunik ilisimasaqannginnerit avatangiisinut ulorianartorsiortitsileruttorput. Danmarkimi nalunaarusiap takutippaa inissiat pingajorarterutaat PCB-mik toqunartulerujussuarmik, nunarsuarmi avatangiiisinut toqunartut ulorianarnerpaat qulit ilaanik, peqartut.

Taamatut oqaluttuarpoq seniorforsker Lars Gunnarsen, taannalu avatangiisinut ministereqarfik sinnerlugu PCB-p peqqissutsimut nalilerneqarneranik nalunaarusioqataasimavoq.

– Illuutit 6 aamma 20 tonsit akornanni PCB-qarput. Taamaattumik inassutigaarput annertunerusumik misissuisoqassasoq, pitsaanerusumik paasiumallugu PCB qanoq siaruarsimatiginersoq. Illuutit ilaanni misissukkatsinni inassutigisimavarput inerutsinneqarnissaa, Lars Gunnarsen oqaproq.

Pcb 1976-imi inerteqqutaalerpoq, tamannalu sioqqullugu betonimik sanaartukkani igalaani qullernilu marraasersuinerni qalipaanermilu atorneqartarsimavoq.

– Naatsorsuutigineqartariaqarpoq Kalaallit Nunaanni sanaartornermi PCB atorneqartoq Danmarkimisulli annertutigissasoq.

Maani Nuummi betonimik blokkiliat marluk isaterneqarsimapput imaanullu iginneqarlutik...

– Imaanut igilluit?.. Allavoq inunnut illunik atuisunut peqqissutsikkut ajornartorsiutaanerat. Allaavorli ajornartorsiut immikkut sianiginiartariaqarmat, tassa PCB inuussutissani uiguleriiaani katersuuttarmat. Naatsorsuutigaara aalisagaaqqat anginerusunit nerineqartartut, tamakkualu aamma puisinit nerineqartartut...., Lars Gunnarsen oqarpoq, taannalu oqaluttuarpoq atortut PCB-mik akoqarluartut Kommunekemimut nassiunneqartassasut, tassani kissarsuuterujussuarni ikuallanneqartarmata.

Sermitsiami sinnera atuaruk...

Powered by Labrador CMS