Sinniisoqarfik tamanut ammarniarpoq
Inatsisartut Ombudsmandiata Vera Lethip suut suliarisarnerai siunissami malinnaaffigineqarsinnaalissapput.
Annonse
Nittartakkami www.ombudsmand.gl.-imi linkimi nutaarsiassat ataanni suliat qanoq ittut siniisumut suliassanngortinneqartarnersut malinnaaffigineqarsinnaalissapput.
Tamanna tamat takunnissinnaanerannut atatillugu ingerlanneqassaaq, kisianni Vera Lethip sinniisuusup erseqqissarpaa, imaqarniliornerit sulianik naatsunnguanngorlugit pingaarnersiorlugillu saqqummiussinerussasut.
- Tamanut saqqummiussinerit pisalissapput, taamaalilluni naammagittaalliuutini illuatungerinnii inunnut tunngasut paasissutissallu allat suliami iluatungeriinnik ilisarinnissutaasinnaasut peerneqarsimassallutik, Vera Leth oqarpoq.