Nuna tamakkerlugu Kigutigissarnerup Ullua
Ullumikkut tallimanngorneq apriilip 17-iat Nuna tamakkerlugu Kigutigissarnerup Ullua nalliussineqarpoq, ilaatigut kigutit peqqissuunissaat pillugu sammisaqartitsinikkut.
Kalaallit Nunaat nunarsuatsinni siullersaalluni Nuna tamakkerlugu Kigutigissarnerup Ullua-nik atuutilersitsisuuvoq. Kigutigissarnerup Ullua pingajussaa ingerlanneqarpoq. Kigutigissaasut neriuutigaat ulloq aammaarluni assorsuaq iluatsitsiviussasoq.
- Kigutigissarnerup Ullua ukiq manna immikkut meeqqanut 11-12-inik ukiulinnut sammitinneqarpoq. Angajoqqaatik kigutit nakorsaannut ilagisarunnaarsimalerpaat, aammalu maannamiit inuunermik sinneranut tigutimik peqqissuutinissat kusanartuutinnissaallu nammineerlutik isumaginiartussanngorlugu. Ulluinnarni ussernartoqarpoq , soorlu cola-tuunnersuaq pujortarnerlu peqqissutsimut navianaataasut, Ilaqutariinnermut Peqqissutsimullu Naalakkersuisoqarfik tusagassiorfinnut nalunaarummi allappoq.
Taamaattumik nuna tamakkerlugu kigutigissarnerup ulluani meeqqanut 11-12-inik ukiulinnut isumassarsiorfissaqarluarlunilu quianarsinnaasunik takusassaqassaaq - aammalumi allanut inuunertik naallugu nuannersumik qungujularusuttunut!
Kigutigissaasut kikkut tamaasa kajumissaarpaat kigutigissaatut eqqaamaqqullugit kigutinullu tunngatillugu siullersuutit sisamat:
- Kigutit ullaakkut unnukkullu iluamik kigutigissakkit.
- Meeqqat 10-inik ukioqalernissaata tungaanut kigutigissarnerani ikiortaruk
- Kigutigissaat flourimik akoqarluartoq atortaruk - 1450 ppm pitsaanerpaavoq
- Mamakujuit sodavandillu ulluinnarni atorunnaakkit