Innuttaasut allanngoriartornerat Qeqqata Kommuniata eqqarsaatigaa
Sooq inuit 63-inik ukioqarlutik soraarninngussappat suli ukiuni marlussunni sulinissaminnut kajumissuseqarlutillu nukissaqarunik, borgmester Hermann Berthelsen aperivoq.
Ukiut aggersut Kalaallit Nunaanni sulisartoqarnermut annertuumik piumasaqaateqassapput:
Ilaatigut utoqqaat amerlanerulissapput, ilaatigullu meeqqat inunngortartut ikinnerulissallutik.
Kingulerupput qeqqaniittut sulisinnaassuseqartut, ikinnerulersussat, annertunerusumilli nammataqalersussat.
Tamanna peqatigalugu Kalaallit Nunaanni aatsitassarsiorneq, uuliasiorneq aluminiumillu aatsitsiveqalerneq ilutigalugit sulisartut ilinniagaqassusiannut annertunerusumik piumasaqaateqartoqalissaaq.
– Pingaarutilik tassaavoq pilersaarusiorneq, Qeqqata Kommuniata borgmesteria Hermann Berthelsen Sermitsiamut oqarpoq.
Taamaattumik kommunip innuttaasut ineriartornerat qulaajarniarpaa ukioqassutsit katitigaanerat ilinniagaqarnerullu qaffasissusia sammillugit.
– Aallartinnissaq nukingernarpoq, tassa ukiut arlallit atorneqartariaqarmata Qeqqata Kommuniani unammilligassanut nutaanut sulisartut naleqqussarnissaannut, Hermann Berthelsen oqarpoq.
Sermitsiaq nutaaq atuaruk...