Air Greenland pitsaanerusumik nassatalerisalerpoq
Nassatatit Kalaallit Nunaanni tunniutikkit Aalborgimilu/Århusimilu tigullutit.
Ilaasut, Kalaalit Nunaata Danmarkillu akornanni Air Greenlandimik timmisartortut, aammalu Aalborgimut Århusimulluunniit ingerlaqqinnissaminnut SAS-imit billetsisisimasut, ataasinngornermi marsip 16-ianniit nassatatik apuuffissaannut apuullugit tunniussinnaalissavaat, taamatut selskabi nalunaaruteqarpoq.
Air Greenlandip SAS isumaqatigiissuteqarfigisimavaa ilaasunik sullissinerup pitsaanerulersinnissaanik, tamatumalu kingunerisaanik kuffertit Københavns Lufthavnimi nammineq aallugulu tunniuteqqittariaarutissavat.
Isumaqatigiissummi taamaallaat pineqarput nassatat ilaasut pinnagit. Aqqutaa naallugu angalanissamut billetsimik ataatsimik pisisoqarsinnaanngilaq, Air Greenlandilli SAS-illu akuerisimavaat billetsit assigiinngitsut marluk atorlugit ingerlaqqittarnissaq.