KIK-p nuimanera nakkarneralu

Ilinniagaqartut kattuffiat ukiut sisamat ingerlaneranni ammuinnaq ingerlavoq.

Aningaasanut missingersuutit naatsorsuutillu KIK-p nittartagaani takuneqarsinnaanngillat.

2003-mi KIK kattuffissuuvoq 700-t angullugit ilaasortalik ukiumullu koruuninik milliuuuningajannik kaaviiaartitalik. Ullumi, ukiut tallimat qaangiunneranni, ilaasortat 400-innanngorsimapput kattuffiullu aningaasanik kaavititai 400.000 kr-it missaannaanniilersimallutik.

Paasinarpoq 2005-imiit KIK-p allaffissornera ingerlatsinera tukattorujussuanngorsimasoq. Novembarimi 2004-mi allaffimmi pisortaq Salomine Villadsen soraarsitaavoq. Soraarsitsineq kattuffimmut 200.000 kr.-ingajannik naleqarpoq.

Allaffimmiup soraarsitaaneraniilli kattuffiup aningaasaatai ilaasortaalu ammuinnaq ingerlalerput.

Akiitsut amigartoorutillu amerligaluttuinnarput. Siorna amigartoorutit 32.000 kr.-iupput, kattuffiup aningaasaatai minus 100.000 kr.-iullutik akiitsullu 130.000 kr.-iullutik.

Sermitsiaq nr. 12-mi tamakkerlugu atuarsinnaavat....

Powered by Labrador CMS