Meeraq paaqqutarineqartoq maanna anaanaminiippoq
Nukappiaraq qulinik qaammatilik arnaminit aaneqarpoq pilersaarutaasumit ullunik marlunnik sioqqutsilluni. Meeqqap angajoqqaarsiaasa suliaq taamaatinngilaat.
Annonse
Meeqqap arnaa Danmarkimi efterskolereersimalluni marlunngornermi tikikkami ingerlaannaq ernini aavaa, taamatut sisamanngornermi ullaakkut KNR-Radioaviisi tusarliussaqarpoq.
Nukappiaraq inoorlaajullunili angajoqqaarsiaminiilerpoq meeravissiartaarineqarnissaa eqqarsaataalluni. Kisianni kingusinnerusukkut nukappiaqqap ilaqutai peqqissimipput, meeraq arfineq marlunnik qaammateqartoq. Aatsaalli qaammatit arfineq pingasungajaat ingerlareersut angajoqqaarsiai peqquneqarput meeraq uterteqqullugu.
Angajoqqaarsiaali KNR-kkut ilisimatitsipput advokatertik oqaloqatigiumallugu pisorlu malersorniarlugu allat taamatut misigitinneqannginniassammata.
.