Efterskolemi ikuallattumi atuartunut katersuiniarneq
Kalaallit Illuutaata Københavnimiittup Gribskov Efterskolep ikuallannerata kingorna efterskolemi atuartunut pigisaminnik tamanik annaasaqartunut katersuiniarneq aallartippaat.
Ikuallanneq ataasinngornermi ullaakkut pivoq.
Kalaallit Illuutaata ilisimatitsissutigaa aningaasatigut ikiuutit Danske Bank-imut kontonummer 3001 3015302631 ilisarnaaserlugu "Pia - Gribskov" ikineqarsinnaasut.
Konto Kalaallit Illuutaata pigaa, tassanngaaniit aningaasat katersorneqartut luuinnarni atugassanut pisariaqarnerpaanut atorneqarnissaa isumagissavaat.
Katersuiniarneq apriilip 2-ata tungaanut ingerlassaaq.
Aningaasatigut ikiuutit siulliit ikineqareersimapput, atuartullu ilaatigut mobiltelefoninik nutaanik ikiorsiissutitut tunineqarsimapput.
Atuartut tamarmik pisut aallaavigissagaanni ajunngillat, ilaqutariinni attavimminniipput tassanngaannartumillu nalaanneqarnertik pillugu oqaloqatigiinnikkut ikiorneqarlutik, Kalaallit Illuutaat taamak ilisimatitsivoq.