Aningaasaleeqqittoqaraluartoq utaqqisitsineq allanngunngilaq
Dronning Ingridip Napparsimmavissua ukiarnissaa tikillugu vikareqarnissamut atugassanik immikkut aningaasaliiffigineqarpoq.
Inatsisartut aningaasaqarnermut ataatsimiititaliaata landskarsip matua ikersilaarsinnarlugu DIH 26 millioner kroninik, peqqissaasunik taartissaqartitsinermut matussutissanik aningaasaliiffigaat. Aningaasaliissutot DIH-ip allaffissornerani qullersap Ann B. Kjeldsenip septemberip aallaqqaataata tungaanut naammassanerarpai, utaqqisutulli allatsissimasut ullumikkut 1000-it missaanniittut allanngussannginnerarlugit.
– Aningaasaliissutit sulisussanik pisariaqartitsinitsinnut atussavagut. Akissaqalerpugut, taavalu vikarinik pissarsiussaagut, neriussaagullu kingusinnerusukkut peqqissaasunik atorfeqavissussanik pissarsisinnaassalluta, Ann B. Kjeldsen oqarpoq.
Nakorsaaneq Knud Erik Kleist, qaammatip ataatsip siornatigut sulisunik ataatsimiititsisuullunilu akerliussutsimik takutitsisitsisuusimasoq Sermitsiamut oqarpoq:
– Sulisut suli utaqqimaarput. Suli peqqissaasunik soraartoqartarpoq. Aningaasaliissutit pissutaallutik DIH-mi ajornartorsiutit qaangerneqassanngillat, umiarsuarli puttagallassaaq.
Sermitsiaq atuaruk...