Upernavimmi inuusuttunut neqeroorut nutaaq
Red Barnet inuusuttunut klubbiliorpoq aarsaru ammarneqartussamik.
Red Barnip Kalaallit Nunaanni suliniuteqarnini annertusarniarpaa. Alloriarneq siulleq tassaasimavoq ukiut nikinneranni Naja Kleist Storkimik atorfinitsitsineq, annertunerusumillu suliniuteqarniarnermi pilersaarut siulleq maanna piviusunngungajalerpoq.
Aasaru Upernavimmi illu nutaaq sananeqareersimassaaq, tassanilu pisortap sulisullu pingasut inuusuttut 18-it inorlugit ukiullit illoqarfiup inuusuttunut klubbertaavanut tikilluaqqussavaat. Red Barnet illuliornissamut sulisunillu sisamanik, inuusuttunut neqeroorutinik aallarnisaasussanik, atorfinitsitsinermut aningaasanik pissarsisimavoq.
– Sunik aallartitsillaqqissuuvugut, neriuutigaarpullu ukiut marlussuit qaangiuppata pisortat klubbip ingerlannera tigujumaaraat, Naja Kleist Stork oqarpoq.
Red Barnip aamma Qaanaami klubbi Sirius pilersissimavaa suli ingerlatsivimmit ingerlanneqartoq, Naja Storkilli neriuutigaa piffissaq ungasinnerusoq isigalugu ingerlatsivik aallarnisaasuullunilu suliniuteqartuulissasoq, aallartisaanerup kingorna ukiuni marlussunni ingerlatsereerluni klubbit pisortanut oqartussaasunut tunniunneqartassallutik.
Sermitsiaq atuaruk....