Atuartut 472-it nunarsuarmi meeqqanut ikiuiniartut
Kalaallit meeqqat atuarfianni atuartut qallunaat atuartuinut 186.000-iusut tallimanngorpat tulliani afrikamiut meerartaannik kiuiniarnerannut ilaassapput.
Atuarfiit påskemi atuanngiffeqarnissaat ullormik ataatsimik sioqqullugu aallartikaassapput. Danmarkimi atuarfiit aappaa allortarlugu Kalaallit Nunaannilu atuarfinni aqqanilinni nunarsuarmioqatiginnut atuagassiaq "LæseRaketten" paasititsiniaaneq "Nunarsuup tamarmiusup atuarfia" aallartinneqarpat atuagaasivinniit amuneqassaaq.
Nunanut kinguarsimasunut ikiuiniaqatigiiffik IBIS LæseRaketten atuartunut 186.000-inut akeqanngitsumik tunniuppaa. Atuartut taakku meeqqat nuarnsuarmi tamaniittut tamarmik 2015 tikitsinnagu atuariartalernissaat pillugu ukioq manna nunarsuaq tamakkerlugu paasititsiniaanermut peqataapput, nunarsuarmi politikkikkut siuttuusut arlaleriarlutik neriorsuutigisimasaat eqqortinniarlugu.
IBIS ukiut arfineq aappassaa tulleriiginnarnik danskit paasititsiniaarneranni siuttuuvoq.
Atuagassiap nuanrsuaq tamakkerlugu nassiussuunneqartup 200.000-inngorlugu naqiterlugu akeqanngitsumik agguaanneqarsinnaalerneranut peqqutaavoq danskit meeqqanut atuakkiortut nuannarineqarluartut soorlu Lene Kaaberbøl aamma Synne Graff atuakkamut oqaluttuanik ilanngussisimammata, naqiterisitsisarfillu Norhaven ukiut tallimassaa tulleriisiinnarlugit atuagaq nalinginnaanngitsoq atuagaq ataaseq 2 krone ataallugu akilerlugu naqitertitsisuulluni.
Atuagassat aliikkutaanerusut assilialiussallu ersarissut saniisigut LæseRaketten aamma afrikami nunami Mozambique-mi piitsuusumik meeqqat ulluinnarni atugaannik oqaluttuartunik imaqarpoq.
Danmarkimi meeqqat atuarfiini atuartut sumiiffinni arlalinni aamma IBIS-ip Mozambique-imi atuarfimmik pilersaarutaanut - meeqqat toqqissillutik, nuannaarlutik imaqarluartumillu atuarfigisinnaasaannut - katersuiniassapput. Meeqqat taqqavaniittut amerlasoorpassuit ullumikkut naalagarsiortinneqarlutik sakkortuumillu atuartinneqartarput. Meeqqat ukioq kingulleq afrikap kitaani nunami Sierra Leone-imi pilersaarummut taamaattumut 1 mio. kr.-inik katersipput, tassuunakkut IBIS-ip meeqqat 2.500-t ilinniarsinnaalernerannik qularnaarinnipput.
Uani talerpiatungaani Kalaallit Nunaanni atuarfiit paasititsiniaanermut peqataasut allattorsimaffiat download-ersinnaavat.