Qimmit saassussisut
Qimmit paasartut marluk qimmimik piginnittuanillu sisamanngormat Nuummi saassussipput.
Annonse
Arnaq qimmiminik gravhundimik unnukkut aneerussitilluni qimminit Staffordshire bull terrier-init marlunnit tassanngaannaq saassunneqarput. Qimmeq aneerunneqartoq kiitippoq, arnarlu aneerussisoq illersuiniartilluni aassamigut kiitilluni.
- Naluarput qimmit qanoq pineqassanersut, piginnittuali akiliisinneqassaaq qimmini pitussimatinnagit angalaartissimammagit, Nuummi politiit pisortaat John Thorsen oqarpoq.
Qimmit taakkorpiaat politiit qimmiinik siusinnerusukkut saassusisimapput, politiillu paasiniaanerisa takutissavaat qimmit toqunneqassanersut.