Kommunip allaffiani pissutsit nutaat
Kommuneqarfik Sermersuup Nuummi allaffiani sulisut tallimanngormat pisortaminnit nalinginnaanngitsumik tikilluaqquneqarput, naneruutinik, ruusat sikkersuinik klovninillu nuannaartitsiniartussanik.
Taamaalillutik ingerlatsisut sulisut tinnersarniarpaat sulisut tamakkerlutik kommuunip nutaap ingerlanissaanut suleriartariaqalernerannik. Pikkorissartut sulisut tamaasa kajumissaarpaat kommuunip allaffissornikkut ingerlatsivia Kalaallit Nunaanni ingerlalluarnerpaaq pilerseqqullugu, Kommuneqarfik Sermersuup nittartagaani allassimavoq.
Suliffeqarfimmi nuannaarneqarlunilu quianartoqartarnissaa pikkorissartut aamma sunniiniutigaat, tamannalu naqissuserniarlugu puisip amiinik uummataasaliat sulisunut milorujussuullugit agguaappaat.
Sulisut malunnartitsiniaanermi eqiiallatsinneqarput nuannaartinneqarlutillu, kommuunillu allaffissuani illarpalaarneq nuannaarnermillu nillillattaanerit akisuapput.
Pikkorissartut pikkorissarnerminni sammivaat suleqatinik ilisarisimanninnerulernissaq aammalu kommuunimi suleriarnissami tunngavissanik eqqartuineq. Naleqartitallu makku suliniarnissaminni tunngaviusussat eqqartorsimavaat: Ataqqeqatigiinneq, attaveqatigiinneq, nuannaarneq, piginnittussaaneq aammam akisussaassuseqarneq.