Siriusimi sungiusarfik
Sirius forskolemi ukiuunerani sungiusarneq Kalaallit Nunaata kangiata avannaani Forsvarets Vagt Mestersvigimi aallartippoq - "mittarfeeraq"-nnguami ukioq naallugu marlunnik inuttaqartinneqartartumi.
Ukiuunerani sungiusarneq qaammammik ataatsimik sivisussuseqartarpoq. Tamatumani siunertaavoq Siriusumi sulisut sisorarnermut sunngiusarnissaat, atortut ilinniarnissaat issittumilu uumaannarniarsinnaanermut sungiusarneq. Saniatigut aamma qaammammi tassani sungiusartut arfineq-marluusut tamarmik pimoorullugu sungiunniartinneqassapput, forsvaret.dk allappoq.
Ukiuunerani sungiusarneq aalborgimi flyvestationimi ataasinngornermi februaarip 2-ani aallartippoq, ullut siulliit marluk ilitsersuinermut, atortussanik poortuinermut inuullu nammineq atorussaanik poortuinermut atorneqarput. Timmisartoqarfimmi aamma arpalluni sumiissusersiorsinnaanermut sungiusarneq ingerlanneqarpoq, ilinniartut eqqaamannissinnaanerat misiligarneqarluni.
Ilinniartut C-130-imut ilaallutik februaarip 4-ani pilersaarutit malillugit Forsvarets Vagt Mestersvi-imut tikipput. Angalaneq nunannersimavoq, ilinniartullu aqqutaani aamma atuartinneqatsiarsimapput.Ullup sinnera atortunik puuiaanermut issimullu sungiussiniarnermut atorneqarpoq, issisiut minus 30 gradet missaaniilluni.
Ukiuunerani sungiusarnermi ilinniartut tamarmik ataasiakkaarlutik atortunut aalajangersimasunut akisussaasunngortinneqarsimapput, tassa ataatsip sisoraatinut tunngasut akisussaaffigigai allap aallaasit imassallu, il.il. Ilinniartut aamma namminneq nerisassiortassapput, qimmit nerisittarlugit, atisat atortullu naleqqussarlugit, il.il.
Mestersvig sungiusarfimmi atorneqartoq Kalaallit Nunaata kangimut avannaani pinngortitap eqqissisimatitap kujasinnerusortaaniippoq. Mestersvigimi sulisut mittarfik ammatittuaannarpaat sulinerminnullu atatillugu sakkutuut nakkutilliisut qimussersartut Siriusikkut ikiortarlugit.