Kalaallit Nunaat Unicefip allattugaataaniinngilaq

Unicefip Kalaallit Nunaat nunat Meeqqat Pisinnaatitaaffiinik unioqqutitsisut allartorsimaffianni ilanngutinngilaa, meeqqat kaattut pineqartillugit.

Assiliisoq: Leiff Josefsen

Unicefip siulittaasua Alfred Josefsen malillugu, allattorsimaffik taamaattoq pigineqanngilaq, paasissutissallu tamatumunnga tunngasut Unicefiminngaanneersuunngillat.

Ilaqutariinnermut Peqqissutsimullu Naalakkersuisup Naja Petersenip Unicef attaveqarfigisimavaa, kalaallit tusagassiorfii malillugit, suliniaqatigiiffiup Kalaallit Nunaat nunat Meeqqat Pisinnaatitaaffiinik unioqqutitsisut allattorsimaffiannut ilanngullugu allassimammasuk. Unicef Danmarkip siulittaasuata Naalakkersuisunut Ilaasortamut allagaqarluni ajuusaarutigaa, pisumut tunngatillugu tusagassiuutit paasissutissanik eqqunngitsunik ingerlatitseqqissimanerat.

- Uagut siullersaalluta ajuusaarutigissavarput tusagassiutit paasissutissaq tamanna ingerlateqqissimammassuk, kisianni uagut akisussaaffigisinnaanngilarput tusagassiorfiit qanoq allaaserisaqarnerat, tassami paasissutissat uagutsinneersuunngillat, siulittaasoq allakkamini allappoq.

Powered by Labrador CMS