Isumakullertarnermik akuiniarneq ilisimaneqarnerusariaqarpoq
Isumakullertarnerup nappaataanera innuttaasut akornanni ilisimaneqarnerusariaqarpoq. Annerusumik qaammarsaanikkut isumakullertartut iluaquserneqarsinnaapput, A1-imi nakorsaaneq oqarpoq.
Isumakkullertarnerup nappaataanera taassumalu kingunerisinnaasai Kalaallit Nunaanni ilisimaneqarnerusariaqarput. Dronning Ingridip Napparsimmavissuata eqqarsartaatsikkut katsorsaanermut immikkoortoqarfiani A1-imi nakorsaaneq psykiater Helle Charlotte Knudsen isumaqarpoq, isumakullertarnerup napaataanera Kalaallit Nunaanni ilisimaneqarnerulerpat tamanna napparsimasut iluaqutigissagaat. Isumakullertarneq ilisimaneqarnerulerpat isumakullersimasut napparsimasutut allatuulli katsorsarneqartalissammata.
Psykiater Helle Charlotte Knudsen sinerissami sumiiffinni nakorsat suleqatigalugit sinerissami isumakullersimasunik katsorsaajartortarpoq. Isumakullersimasut psykiaterimut katsorsartikkiartortartut isumakullersimanermik ilisimasaqanngitsorujussuusarput-
- Isumakullersimasut ilaqutaannik naapitsigaangama isumakullersimaneq sunaanersoq nalusaramikkut qanigisamik allanngorsimaneri annilaarutigisimasorujussuusarpaat. Isumakullersimasummi ileqqui allanngortarmata. Isumakullertarnerup qanoq ittuussusia ilisimaneqanngitsorujussuuvoq, A1-imi nakorsaaneq Helle Charlotte Knudsen oqarpoq.
Sinnera Sermitsiami atuaruk...