Peqqinnissaqarfimmi sulisut sassarterput
NUTARTIGAQ: Dronning Ingridip Napparsimmavissuani sulisut akerliussutsimik takutsitsinialerput.
DIH-mi sulisut tallimanngornermi nal. 16 akerliussutsimik takutsitsiniarlutik aalajangersimapput.
Tamannna tallimanngornermi ullaakkut sulisut 120-t missaanniittut ataatsimiinnerani aalajangerneqarpoq.
Uninngasut eqqarsaatigalugit unioqqutsitsillunilu suliumajunnaarnissaq pinngitsoortinniarlugu Dronning Ingridip Napparsimmavissuaniit nalunaaqutaq 16 aallartinnissaq aalajangiunneqarpoq, tassanngaannit illoqarfikkoorlutik namminersornerullutik oqartussat allaffissuata tungaanut ingerlaassallutik.
DIH-mi sulisut kissaatigaat innuttaasut politikerillu nunatta napparsimmavissuani pissutsit assorujussuaq ilungersunartuusut malugissagaat.
- Kajumissaarutigerusupparput innuttaasut inuillu utaqqisuni allattorsimasut akerliusstsimik takutitsinitsinni tapersesoqqulluta, ataatsimeeqataasut ilaannit oqaatigineqarpoq.
Sermitsiaq.gl-imi allaaserisamik oqaaseqarfiginnittut ilaasa taama kajumissaarineq ilassilluarpaat.