Akerliusorpassuit Naja Petersenip naapippai

Nal.16 tallimanngornermi Dronning Ingridip Naparsimavaviani sulisut napparsimaviup isariaanit pingaarnermit, inatsisartut ataatsimiittarfiata tungaanut aallarput, tassani utaqqisoq ilaqutariissutsimut peqqissutsimullu nalakkersuisq Naja Petersen, Atassut.

Illoqarfikkut ingerlaarnermi inuit amerliartortut ingerlaaqataalerput, nilliasarlutik: Naammaleqaq, naamaleqaaq.

Akerliussutsimik takutitsisut akornanniipput Neriuffiit kattuffianneersut.

Nilliasaatikkut arlalinnik oqalugiartoqarpoq iliuuseqaqqusisunik, soorlu peqqisaasut, nakorsat napparsimasullu.

Nakorsaaneq Knud Erik Kleist, akerliussutsimik takutitsisut sinnerlugit oqarpoq:

- Naalakkersuisuni ilasortaq oqaluttuukkiartorparput pissutsit ilungersunarsilluinnarsimanerannik. Isumaqarpugut naammattumik paasitinneqarsimanngitsoq.

15 minutsini oqalugiartoqarlunilu suartoqallattaareermat Naja Petersenip mikrofuuni tiguaa, aggersimasorpassuillu qutsavigalugit, DIH-milu naammassineqartartut qujassutigalugit, nangillunilu:

- Unamminarpoq aningaasat atugassarititaasut iluanni innuttaasut naammaginartumik peqqinnissakkut kiffartuutissallugit.

Oqalugiarnerata ingerlanerani suaartoqartarpoq: Nalunngilarput, nutaartaqanngilaq - naalakkersuisunilu ilaasortaq suli oqalunniaasaartoq akerliussutsimik takutitsisut tunullutik qimagupput.

Ingerlaaqatigiinnermit assit uani isiginnaarsinnaarneqarsinnaapput.