Nassiussat akikillissapput
Qaammatini marlunni tulliuttuni nassiussat akii nunatsinniit nunatsinnut nunattalu iluani akikinnerulissapput.
Marsip 1-anniit Royal Arctic Line uuliamut tapi aamma nunat allat aningaasaasa nikerartarnerannut iluarsiissut 12 procentimiit 8 procentimut appassavaa.
Pissutaavoq decembarimi januaarimilu uuliap akiata pitsaasumik inissisimanera. Aappassanik uuliamut tapi aamma nunat allat aningaasaasa nikerartarneranut iluarsiissut apparneqarpoq. Ukiup kingulliup naajartornerani uuliamut tapi aamma nunat allat aningaasaasa nikerartarnerannut iluarsiissut 19 procentiusimavoq.
Royal Arctic Linep ukiumut arfinileriarluni uuliamut tapi aamma nunat allat aningaasaasa nikerartarnerannut iluarsiissut naleqqussartarpaa.
Ineqarnermut Attaveqarnermut Avatangiisinullu Naalakkersuisup, Kim Kielsen-ip tapit iluarsiiffigineqarnissaat akuerivai, taamattumik martsip aallaqqaataaniit 2009 apriilip naggataa 2009 ilanngullugu nassiussat akii nunatsiniit, nunatsinnut nunattalu iluani 8 %-imik ilassuteqartassapput.