Jean Malaurie Nersornaat-mik nersornaaserneqassaaq
Atuakkiortoq issittumillu ilisimatooq taanna Inatsiartut nersornaataannik kuultiusumik tallimanngorpat nersornaaserneqassaaq.
Franskimut issittumik ilisimatuumut nersornaammik tunniussisussaaq inatsisartut siulittaasuat Ruth Heilmann. Tamanna sermitsiaq.gl-imi paasivarput.
Jean Malaurie ikinnerussuteqartut piginnaatitaaffiinik tunniusimalluarluni sorsuutiginnittuuvoq. 2007-imi issittumi nunaniittunut goodwill-ambassadøritut UNESCO-mit toqqarneqarpoq. 1957-imi Parisimi Centre d'Etudes Artiques (Issittumik Ilisimatusarfik).
Jean Malauriep atuakkiani 'Thulemi kunngit kingulliit' tusaamasaassutiginerpaavaa, taanna 1950-51-imi qalasersuup eqqaani eskimot akornanni najugaqarsimanermit oqaluttuartuuvoq. Oqaatsinut 23-inut nutserneqarsimavoq. Thuletoqqami, Uummannamiinnermini taamatut piniarnani sakkutuut siertuulluinnarlugu suliariniagassarigaluat isiginnaarpaa, tassa amerikamiut Thulebase sioqqullugu tamaanga nunninnerat.
- Jeanip tamaaniinnera amerikamiut nuannarisimanngilaat, Thulebasep nittartagaa allappoq.
2002-mi atuakkamik saqqumersitseqqippoq, 'Thule - nuna avannarlerpaaq', Thulep nunataanik taassumalu innuttaanik misissuineq.
Atuakkat qulit saaqummersinnerisa saniatigut ilisimatuussutsikkut allaaserisat 450-t saqqummersissimavai.
Jean Malaurie arlalinnik nersornaaserneqartarsimavoq, ilaatigut nersornaat Commandeur de la Legion d'honneur aamma Londonimi the Kongelige Geografiske Selskabimit ujamik nersornaat.
Nersornaat kuultiusoq inunnut ikittuinnarnut tunniunneqarsimavoq, ilaatigut kunngissaq Frederikimut, nunanut allanut ministerimut Per Stig Møllerimut, Svend Jungeugaluamut aamma atuakkiortuusimasumut palasimullu soraarnermut Otto Sandgreenimut.