Nunarsuarmiut kingornussaannut allaffik
Qaasuitsup kommunea Ilulissat kangerluata allaffiani sulisunik marlunnik atorfinitsitsivoq, ilulissat kangerluata ilaata, Unescop nunarsuarmiunut kingornussanut allattorsimaffiutaaniittup ingerlanneqarnissaanut atatillugu.
Annonse
Taamanikkut Ilulissat kommunerisimasaanni asilerisoq Naja Habermann aamma Mette Skarregaard Pedersen, kommunip avatangiisinut immikkoortoqarfiani atorfeqarsimasut, Ilulissat kangerluata allaffiani atorfinitsinneqarput.
– Allaffiup nutaap Unescop eqqissisimatitaaffiani kommunip suiassai isumagissavai - innuttaasunut attaveqarneq, paasissutissiineq, allaffissorneq ingerlatsinerlu, taamatut nalunaaruteqarpoq Naja Habermann, taassumalu atorfittaava taaguuteqarpoq Unesco site manager.
Upernaamut inummik allamik aamma atorfinitsitsisoqassaaq, park-ranger-itut sulisussamik.