Mikkelsen Nuummi
Sakkutuut umiartortut umiarsuaat nakkutilliissut nutaaq »Ejnar Mikkelsen« Nuummi sapaatip akunnerani tulliani tamanut ammasumik ammassaaq.
Nuummi innuttaasut tallimanngorpat tulliani marsip 13-iani umiarsuaq nakutilliissut nutaaq »Ejnar Mikkelsen« takusarnissaannut periarfissaqassapput. Tamanna nalunaaqutaq 14 aamma 16-ip akornanni pisinnaassaaq.
Kangilinnguani sakkutooqarfik nittartakkami taama allappoq.
»Ejnar Mikkelsen« nakkutilliissutini »Knud Rasmussen«-ip assingini appassaraat. Umiarsuaq issittumi ilimasassarsiortartumut Ejnar Mikkelsenimut atsiussaavoq, Ejnar Mikkelsenip 1909-1912-imi ilisimasassarsiorneq Alabama ilisimaneqaatiginerpaavaa, aammalu Ittoqqortoormiinik tunngaviliisuulluni.
»Knud Rasmussen«-ip aamma »Ejnar Mikkelsen«-illu umiarsuaaqqat nakkutilliissutit »Agdleq« aamma »Agpa« taarserpaat.
»Ejnar Mikkelsens«-ip Kalaallit Nunaanni umiarsualiviit tikeqqaagassaasa siullersarissavaat Kangilinnguit, arfininngornermi marsip 7-anni.
Nakkutilliissutip naalagaata Troels Sundwallip allagaa talerpiatungaani aasinnaavat.