Kaanneq pillugu nalunaarusiat naalakkersuisunit ilisimaneqarput
Kalaallit meerartaasa akornanni kaattoqartarneranik nalunaarusiat naalakkersuisut ukiuni arlalinni ilisimavaat. Illuatungliuttut ukiup ataatsip siornatigut Kalaallit Nunaat FN-ip meeqqat pillugit aalajangersagaanik unioqqutitsinerarlugu mianersoqqusipput.
– Naalakkersuisut tamakku ilisimareeraat qularutiginngilluinnarparput. Takunngitsuusaarnikuuaalli, Demokraatit siulittaasuat Jens B. Frederiksen oqarpoq.
2008-mi ukiakkut ataatsimiinnermi IA, Demokratit Kattusseqatigillu meeqqat kaannerat akiorniarlugu pilersaarusiornermik kinguneqartussamik isumalioqatigiissitaliortoqarnissaanik siunnersuuteqarput.
Siunnersuuteqartut tassani HBSC-ip MIPI-llu »Kalaallit Nunaanni meeqqat inuuniarnerminni atugaat« pillugit nalunaarusiaat innersuussutigaat. Nalunaarusiallu taakku UNICEF-ip Meeqqat pillugit Angerfigeqatigiissummik unioqqutitsisoqaanermini issuaaffigisimavai.
Siunnersuummut tunngavilersuummi soqutiginarluinnartumik oqaaseqaateqarpoq, issuaaneq:
»Nunatsinni meeraqarpoq inuunermi pisariaqartunik tunngaviulluinnartunik amigaateqartunik tassalu nerisassanik inuussutissaqarluartunik qaarsillannartunillu, atisanik naleqquttunik illussanillu naammaginartunik. Meeqqat tamakku piitsuullutik inuunerat aamma misigissutsinut pitsaanngitsumik sunniuteqartarpoq. Tamanna akeriinnartutut issinnaanngilarput. Tamatumalu aamma kingunersaanik Kalaallit Nunaata FN-ip meeqqat pisinnaatitaaffii pillugit angerfigeqatigiissutaani artikel 27 unioqqutippaa, angerfigeqatigiissummi malikkumallugu akuersissutigisimasatsinni«, issuaaneq naavoq.
Imaappoq naalakkersuisut meeqqat pillugit angerfigeqatigiissummik unioqqutitsilernerarlugit mianersoqquneqarput.
Allaaserisap sinnera Sermitsimi atuaruk...