Akissarsiat appasissut RG Polenimukartippaa
Vestpommenip imaanut inissisimanera attaveqaatitigullu europamilu motorvej-ersuarnut ajornanngitsumik aqquteqarnera kalaallit nunaata aalisakkanik tunisassiorfiutaanut toqqammaviit pingaaruteqarsimapput.
Nunap immikkoortortaata taassuma aningaasaliisinnaasut pilerisarniarlugit 1997-imiilli Special Economic Zones (SEZ) pilersissimavaa.
Nunap immikkoortui tamakkku (zoner) annertuumik suliffissaaleqiffiusupput suliffeqarfinnullu akileraarutitaqanngingajallutik. Suliffeqarfiup angissusia apeqqutaalluni aningaasaliissutinut aningaasartuutini suliffeqarfinnillu nutaanik pilersitsinermut aningaasartuutinit 70 procentit tikillugit ilanngaatigineqarsinnaapput. Suliffeqarfissuit aamma illuutinik piginnittuunermut akileraarutinut akiliineq ajorput.
Suliffeqarfiit zoneni taakkunaniittut taamaalillutik fabrikkip ammarneraniit ukiut pingasuniit tallimat tikillugit akileraarneq ajungajalluinnartarput.
Royal Greenland Seafood-ip danmarkimi tunisassiorfiutimi annerpaartaa illoqarfimmut Koszalin-imut nuussimavaa. Vestpommenip imaanut inissisimanera attaveqaatitigullu europamilu motorvej-ersuarnut ajornanngitsumik aqquteqarnera kalaallit nunaata aalisakkanik tunisassiorfiutaanut toqqammaviit pingaaruteqarsimapput. Saniatigut aamma aningaasartuutit appasissuunerat aalajangernermut sunniuteqarsimapput.
- Tunisassisorneq aalisakkanik niuernermi aninguisinnaassappat tunisassiorneq sumiiffimmut aningaasartuutinut appasiffiusumut nuuttariaqarsimavarput. Danmarkimiinnerput aningaasanik annaasaqaatigaarput. Maanilu suliffissaaleqisut amerlammata akissarsianut aningaasartuutit appasipput, tamak fabrikkimi pisortaq Christian Nielsen oqarpoq. Taassuma aamma danskit suliffeqarfiutaat allat kajumissaarpai danmarkimiit polenimut nooqqullugit.
Koszalinip eqqaa Polenimi suliffissaaleqiffiunerpaap tulleraa, taamalu Vestpommeni tamakkerlugu 12,7 procentimi inissisimalluni. Royal Greenlandip fabrikiani tiimimusiaq 40 koruuniuvoq, Polenimilu qaammammut akissarsiat minnerpaaffianiittoq tassaalluni 2300 koruunit.