FN-ip ataatsimeersuartitsinerani nunarput peqataavoq
FN-ip arnat pillugit ataavartumik ataatsimiitsitaliaani Nuummi Bahá'it sinniisaat nunatsinni arnat arnallu innerat oqallisigeqataaffigaat.
FN-ip Arnat Killiffiat pillugu Ataatsimiitsitaliaani arnat arnallu qanoq innerat marsip 13-iata tungaanut oqaluuserineqassapput.
Tassani oqallittoqarnerata nalaani aamma FN-ip NGO-ineersut aallartitaat ataatsimiipput, nunat ilaasortaasut oqallisigisaata assinga oqaluuseralugit.
Ukioq manna FN-ip NGO-anni ataatsimiinnermi Ruth Montgomery-Andersenip aamma Stephan Montgomery-Andersenip Kalaallit Nunaat sinnerlugu peqataapput.
Ruth aamma Stephan nunat tamat Baháí-ikkuisa aallartitaasa inuit 20-iusut ilagaat, taakkualu oqallinnissamut tunngaviliaat ilaatigut Den Nordiske Højskole for Folkesundhed-imit, Namminersornerullutik Oqartussat Nunanut allanut Naalakkersuisoqarfianit, Nordens Institut/NAPA-mit aamma Inuit Circumpolar Council-imit, ICC, tapersersorneqarput.
Ruth aamma Stephan oqallinnissamut tunngavissamik saqqummiinissamut qaaqquneqarsimapput. Oqallinnissamut tunngavissaq kalaallit angutit taakkualu isumassuineq aammalu isumassuinermi tunniussisarneq pillugit paasinnittaasiannik apersorneqarnerannit aallaaveqarpoq.
Tunngavissami aamma kinguaassiutitigut nappaatit aamma HIV/AIDS-ip siammarsimassusia pillugit ilisimatuussutiskkut misissuinerit nutaat inerneri saqqummiunneqassapput.
Nunanit ilaasortaneersunit 180-iusunit arnat angutillu 2000-it sinnillit NGO-meersullu amerlaqisut FN-ip ataatsimeersuartitsinerani februaarip 28-iani aallartittumi peqataapput.
Arnat Killiffiat pillugu Ataatsimiitsitaliarsuup siunertaraa arnat killiffigisaat pillugit tamakkuninnga suliaqartuniit paasissutissanik pissarsisarnissaq, aammalu arnat niviarsiaqqallu sumut killinnerat pillugit datanik katersinissaq. Forumi taanna 1948-mi pilersinneqartoq inuit piginnaatitaaffiinut isumaqatigiissutip, nunat tamat arnat ulluannut aammalu arnanut nakuusertarnerup unitsinneqarnissaanut ullup suliarineqarnerannut sunniuteqarsimavoq.
Ataatsimiitsitaliarsuaq ukioq manna marlunnik pingaarutilinnik qulequtaqarpoq: Arnanut/niviarsiaqqanut nakuusertarneq aamma nappaatit kinguaassiutitigut atsuuttartut aamma HIV/AIDS.