Avannaani ilinniarnertuunngorniat suliffeqarfissuit uuliasiortut unammisitsineranni ajugaapput.

Avannaani ilinniarnertuunngorniat Kalaallit Nunaanni unamminermi ajugaapput, maannakkullu nunarsuaq tamakkerlugu ajugaaniutivinnissamut peqataasussanngorlutik.

Team PEANUTS tassaasut Ludvig Kleemann Henrik Møllerilu holdit 44 –t allat ilagalugit unammiuaaqataanermikkut takutippaat uuliarsiornialernerup siunissaani piginnaaneqarlutik. Avannaani Ilinniarnertuunngorniarfimmi ilinniartitsisoq David Penney oqarpoq, ”Oilsimip ilinniartut sapinngisaat ersersittarpaat, tamannalu siunissami inuunerminni iluaqutigisarpaat”.

Ulloq taanna unammiffik (sungiusarfik) Avannaata Qeqqatalu Ilinniarnertuunngorniarfiini ingerlanneqartut, 170-init peqataaffigineqarpoq, taakkulu suleqatigiiffippassuupput uuliaqarfinnik nutaanik ujaasisuusut.

Tamarmik 200 mio dollarsiuserlutik suliffeqarfiup aningaasaataat amerlisikkiartuutigalugit (allisikkiartuaarlugu) suliffeqarfitsik suliffeqarfiit allat peqatigalugit alliartortinniartussaavaat.

Team PEANUTS Avannaani Ilinniarnertuunngorniarfimmeersut arfininngorpat 31. januar Imperial Collegemi Londonimiittumi Kalaallit Nunaat sinnerlugu peqataassapput. Silarsuarmi OilSimmillaqqinerpaatut holdit arfinillit imminnut unammersuaassapput, ajugaasullu pinnatassarivaat 1000 pund.

Unammineq Simprentisimit aaqqissuunneqarpoq, Chevron Upstream Europamillu aningaasalersugaalluni.

Powered by Labrador CMS